Berfa Sor

“Berfa sor an jî zivistana sor. Zivistan ku giran derbasdibe wisa tê gotin. Ji ber ku dest û lingê meriva dişewitîne. Rast e, min di jiyana xwe da gelek barînên ecêb dîtine. Berf û baran pir guherîne. Carinan gava zivistan diqede, bibêjim tiştekî wek xwelîav dibare. Lê mehneya berfa sor ne ev e. Ji bo tiştê ne tişt, tiştê ne di dema xwe de, tiştê ne pêkan, rewşên ecêb tê gotin. Li vî welatî tiştên netişt, bûyerên nepêkan diqewimin. Ji ber wê dibêjin wek ku berfa sor bariye. Wekî din, zivistan ji bo Kurda mirin e. Ji ber qirqirina Kurdan berf wisa bi xwîn dibe û sor dike, dibe berfa sor.”