Süruri Divanı

Geç mecazı vardan ey dil hakiki varı gör
Gel berü gitme geru Tanrı toluna varıgör

Piste -veş olgıl dehan-beste ulü'l-elbab isen
' Ayn-ı ibretle nazar eyle ulü'l-abşarı gör

Anla alemden itme reca andan beka
Şu gibi her süya akma cünbiş-i enharı gör

Halka-i zikr icre 'özr itme döner başum diyu
Nice sergerdan olur bu günbed-i devvarı gör

Kadre irmez tolmayınca bir kişinün bagrı kan
Anuniçün buldı kıymey nafe-i tatarı gör

Dar-ı dünyayı şu kim dil-dar ide dil dar ider
Ko bu fani beyti ey dil var obaki darı gör

Rahmet-i Hak'dan Süruri eyleme kat'- ümid
Bakma cürmün çokluğuna durma istigfarı gör